Описание
Колуңуздардагы класстан тышкары окуу китеп кыргыз орто мектептеринин 3-класстарынын окуучуларына арналып алгач ирет түзүлүп отурат. Китепке Ата Мекен, эне тил, элдик калптар, күлкүлүү окуялар, эмгек, табият, адеп-ахлак ж.б. Темаларындагы ырлар, аңгемелер, жомоктор, табышмактар, макал-лакаптар, уламыштар жана ошондой эле дүйнө элдеринин жазуучуларынын балдарга арналган мыкты аңгеме-жомоктору иргелип киргизилди. Алар мазмунуна жараша өз-өзүнчө чакан бөлүмдөргө топтоштурулуп, тексттерди талдап түшүнүүгө багыт берер суроолор жана тапшырмалар коюлду. Түшүнүүгө кыйын болгон сөздөрдүн сөздүү берилди. Интерактивдүү ыкмалардын айрым элементтери да пайдаланып, окуу-таануу иштерин активдештирүүчү багыттар да унутта калган жок. Чыгармаларды тандоодо балдардын жаш курагы, окурмандык кызыкчылыктары жана аларга таалим-тарбия берерлик мааниси эске алынган.
